........og ég gleymdi að segja fyrsti apríll...jiii hvað maður er alltaf fyndinn

Jæja fengum tilboð í íbúðina í dag sem hljómar bara ágætlega þannig ætli maður fari þá ekki á fullt að leita sér að öðru og hentugra húsnæði. Þoli ekki lengur þessa stiga lengst upp á loft. Það liggur við að þegar maður er kominn loksins upp sé maður hálfnaður til almættisins og það er nú full snemmt að fara þangað finnst mér...en enginn veit sína ævi fyrr en öll er. Ætla að láta þessar gleðifréttir duga í bil

Já það er langt síðan ég tjáði mig í rituðu máli hér. En sára fátt hefur á daga drifið hjá stúlkunni. Það helsta að ég fyrirgaf símafyrirtækinu og nota því ennþá orðið sími. Fallegasti strákurinn farinn til dagmömmu og ég farinn að vinna aftur mér til mikillar gremju í byrjun. Sjálfsagt halda þessir þrír sem lesa þetta tuð hjá mér að ég sé lööööngu dauð en ég er hér n. Bara hefur ekkert gerst sem telst til tíðinda. En bara láta vita að ég er ekki alveg dauð úr öllum klæðum eða glæðum.......

Kæri sími fyrirtækið Mig langar nú að byrja á því að byðja konuna sem ég æsti mig við í gegnum tólið um daginn afsökunar á reiði minni því ég er viss um það að hún hefur ekkert með vinnureglur ykkar að gera og er greynilega bara að vinna vinnuna til þessa að fá útborgað.

En mikið er ég feginn að ríkið hafi selt símann (fyrirtækið því það hefur þá minna til þess að skammast sín fyrir núna (eða var síminn (fyrirtækið ekki annars seldur??). Þetta fyritæki ykkar er alveg afskaplega lélegt að mínu mati. Talið um það að þið séuð traust og viljið koma á tryggara sambandi viðskiptavina með því að uppfylla þarfir þeirra. Bull og vitleysa. Í 24 stundum undanfarið hefur verið talað um lélega þjónustu hjá ykkur og svei mér þá ég er sammála. Hversu lágt getið þið lagst. Viðskiptavinir skipta ykkur engu máli bara að þeir borgi reikningana sem þið sendið þeim sama hvort þeir séu réttmætir eða ekki. Svo þessar auglýsingar ykkar..”þú getur ALLTAF hringt kollekt” þarf viðkomandi sem hringt er í ekki að eiga inneign eða með opið taltæki?? Þá getur maður ekki ALLTAF hringt kollegt. Og auglýsingin með Jesú og Júdas gott á ykkur að þið byrjuðuð að auglýsa vodafon. Þetta blessaða fyritæki getur farið í rass og rófu. Ég bíð spennt eftir að fá eitt helvítis sms frá ykkur þannig að ÉG geti eytt mínum tíma í það að hringja í ykkur og vera á línunni í korter eftir að einhver vill tala við mig. Því ekki viljið þið hringja í mig og segja mér hver dómurinn verður. Nei hálvitar með ömurlegar vinnureglur sem snúast ekki um að þjónusta fólk. Og eitt get ég sagt þér að vinir mínir hjá hinu fyrirtækinu ætla líka að tjékka á málunum fyrir mig og HRINGJA í mig til þess að láta mig vita hvað kemur út úr þessu máli hjá þeim. Þeir ætlast ekki til þess að ég hringi í þá og verði númer 11 í röðinni og bíðið þangað til ég verði næst til þess að tjá mig. Eins og ég er búin að vera auglýsa ykkar fyrirtæki óbeint með notkun á orðinu “sími” þá finnst mér ég ekki eiga þetta skilið. Hér með hætti ég að nota orðið “sími” til þess að auglýsa ykkur ekkert frekar og nota orðið “taltól” í staðinn.. Farið í rassgat.

Kveðja óánægt taltólanúmer sem bíður spennt eftir sms.

Eftir þessar hrakningar með blessaðann ofninn var brugðið á það ráð að kaupa nýjann ofn. Þar sem hellurnar eru jafn gamlar ofninum ákváðum við að kaupa líka nýtt helluborð. Líka til þess að vera smá í stíl. Ofninn var settur upp fyrir jólin svo hægt yrði að elda jólasteikina en gömlu hellurnar fengu að notast áfram. Alveg þangað til á gamlársdag þegar karlmaðurinn á heimilinu ákvað að taka gamla ofninn og hellurnar og færa niður í geymslu sem þær bíða eftir að fara í blessaða sorpu. Nýtt helluborð sett upp á gamlársdag. Svo þegar helluborðið var komið upp tók blessaður kallinn eftir því að það var svoldið undið. Nú voru góð ráð dýr, lokað í búðinni fram yfir áramót. Spurning um að sækja ofninn niður aftur?? Nei fara bara í næstu íbúð og fá að gera sósuna þar og fá nýtt borð eftir áramót. Sem við fengum svo í gær....úff þvílíkur léttir og miklu betra.

Já ég held bara að örlöginn vilji taka mig á orðinu. Ég hef áður sagt að öll þessi mötun í þjóðfélaginu sé ekki öll af hinu góða. Sjónvarpið alltaf kveikt alla daga og útsendingar alla nóttina, tölvan alltaf í gangi með þráðlausa adsl netinu o.sfrv. Fólk á bara erfitt með að finna sér eitthvað að gera. Ef sjónvarpið deyr tja eða netið úti. Nú um daginn fengum við skötuleysin að kynnast þessu aðeins. Netið og heimasíminn dattt út í viku. Hvað átti til bragðs að taka?? Jú húsmóðirin mikla sem ég er tók til og bóndinn líka. Svo kom að jólasmákökubakstri sem gekk líka svona rosalega vel. Stundum stóð reykurinn bara upp úr ofninum og kökurnar eftir því svo komu þær líka sumar rosa fallegar útúr ofninum. Rétt áður en þriðja sortin var að klárast furðaði ég mig á því hvað kökurnar þurftu að vera lengi inni í ofninum. Eftir korter og þær ekkert farnar að bakast. Var ég ekki örugglega með kveikt á ofninum??? Jújújú stilltur á 200 gráður. Svo ég laumaði hendinni inn. Iss piss 200 gráður er ekki svo heitt bara rétt mátulegur líkamshiti. Baksturinn stóð sem sagt ekki lengi og ofninn dáinn svona rétt fyrir jólin. Hvað átti þá að gera hamborgarahryggurinn eftir að eldast. Stinga honum inní ofninn og láta hann mallast við mjög vægan hita fram að jólum og athuga hvernig smakkast??? En allavega nú þarf að fara að fjárfesta í nýjum ofni.

Já mér datt í hug að reyna að græða smá pening og hef hugsað mér framleiðslu á PÓLVERJUNNI. Vanalega er þetta orð notað um pólskar konur en hefur nú fengið nýja merkingu. Alltaf gott að endurnýta hlutina ekki kasta þeim. Mikið hefur verið um nauðganir undanfarið og oft eru menn af erlendu bergi brotir sagðir gerendur. Mér varð hugsað til brandara sem ég heyrði þegar ég var lítil en er ekkert alltof viss um að ég hafi fattað hann þá en það er aukaatriði.

Þannig var að kóngur einn átti afar fallega dóttur. Kóngurinn þurfti að bregða sér í nokkra daga ferðalag en treysti ekki þjónum sínum og öðru vinnufólki nógu vel til þess að snerta ekki dótturina svo hann setti á hana einskonar skírlífsbelti með saxi á. Og sagði við dótturina "þegar ég kem til baka þá athuga ég hvort allir mínir þjónar séu ekki með tippið á sér" Svo kemur kóngsi til baka og lætur þjóna og vinnumenn stilla sér upp og girða niður um sig. Og bara einn var með tippið sitt á sér ennþá. Hann var voða ánægður með kauðann með tippið og sagði "heyrðu þar sem þú einn hefur ekki snert dóttur mína þá skal ég leyfa þér að giftast henni. Gaurinn var nú heldur ánægður með þetta en gat lítið sagt það nefnilega vantaði á hann tunguna.

Núna vil ég hefja framleiðslu á svona belti og það mun heita pólverjan. Þá ættu allar stelpur að geta verið nokkuð öruggar á djamminu og vita alveg ef þeim hefur verið nauðgað. Lítill pólverji í beltinu og bara game over. Þá er bara að fara niður á löggustöð og tilkynna vininn þá ætti rannsóknin að vera örlítið auðveldari. Enginn grunaður heldur bara hægt að sanna strax. Er einhver með í svona bissness. Ég ætla að hringja í Björgúlf og sjá hvort hann vilji koma mér af stað með þetta. Ég meiri segja held að ég þurfi ekkert að fara að vinna aftur sit bara heima og sel beltið mitt með soninn í einari og símann í hinni.

Datt í hug að lesa stjörnuspána fyrir merkið mitt í vikuritinu fræ og hér kemur hún!!!

Þú ert einn  leiðinlegasti maður í heimi, alltaf að kvarta, gagnrýna og skipta þér af fólki en segir aldrei neitt sem gagnast örðum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Já kannski er þetta bara satt hver veit...en hvað varðar kommur í þessari spá þá held ég að þetta fólk sem setti þetta í blaðið ætti að skella sér aftur í skóla og læra kommusetningar. Bara svo ég gagnrýni og skipti mér af en sjálfsagt gagnast engum þetta tuð í mér...Ég er lögst í laaangan skammdegissdvala og ekki hafa áhyggjur þó ég svari ekki símanum eða bjöllunni. Gaman að kynnast ykkur!!!!

Eða já þannig...held að enginn nenni að lesa þetta bull í mér!! en jæja samt. Getur ekki einhver ráðið fyrir mig eins og 2 drauma?? Dömuna er nefnilega farið að dreyma svo miklu meira en hún hefur gert í gegnum árin og ekki eitthvað bull en ég ætla að láta þessa 3 nýjustu flakka og sjá hvort einhver geti hjálpað mér. Er nefnilega ekki alveg að sætta mig við mínar ráðningar!!! afneitun í hæsta gæðaflokki skal ég ykkur segja.... en hana nú og einhver að koma með eitthvað

 

Dreymdi að ég og Haukur vorum á labbinu við byggingasvæði. Þegar við vorum á leiðinni til baka datt ég ofan í einskonar dý og sökk niður. Haukur reyndi að hífa mig upp en honum tókst það ekki. Einhvernveginn fannst mér í draumnum að hann væri ekki að reyna mikið á sig við það á ná mér upp. Mig minnir samt að ég hafi ekki sokkið alveg niður en allavega við hættum að reyna að draga mig upp.

 

Dreymdið að ég var að labba með Berglindi frænku minni í “kirkjugarði” sem var vel blautur. Löbbum í lund sem var ferlega flottur en við vorum alltaf að passa okkur að blotna sem minnst í fæturnar og ég reyndi að halda skálmunum á buxunum mínum uppi. Til þess að komast inní lundinn þurftum við að bægja trjágreinunum frá. Í lundinum voru 3 krossar merktir Guðmundur Tímoteus, Séra (að mig minnir) og María Sigríður. (amma mín og afi) Einhvernveginn þegar við vorum að labba inn í lundinn vissi ég alveg að þarna voru amma mín og afi grafinn.

Mér leið bara nokkuð vel þarna.

 

Dreymdi að ég var að labba með mömmu og sé ref. Segi við hana mamma sjáðu þarna er refur. Refurinn var samt svoldið tignarlegur og flottur.

 

 

Þessa dagana er ég að passa unga frænku mína á leiksskólaaldri og auðvitað er útvarp latibær í botni á heimilinu. Enda útvarp barnanna. En halló halló halló. Ég ætla að vona að stelpan fari nú ekki að spyrja um innihald textanna sem sungnir eru. Áðan heyrði ég "'ÉG KANN AÐ KOMA STRÁKUM TIL" OG EITTHVAÐ MEIRA MEÐ ÁSTARBRÍMANN OG SVO LEYSUM VIND TÖKUM TAPPANN ÚR FLÖSKU OG DREKKUM AF STÚT. Og ég bara stóð á KETTINUM með galopinn munn vissi ekki alveg hvað ég ætti að halda......en over and out

Þegar ég var yngri eða minni (ef það er hægt að segja svo?) þá var manni kennd kristinfræði, eins einkennilega og það kann að hljóma. Um daginn var ég stödd með henni móður minni fyrir framan sal ásatrúarfélagsins og þá rifjaðist upp fyrir mér byrjun vetrar á 8. eða 9. bekk þar sem átti að fara að kenna krinstinfræði. Sá tími gekk alveg ágætlega skal ég segja þér. Í fyrsta tímanum var náttúrlega byrjað á byrjuninni og sagt frá upphafinu. Í upphafi skapaði jú Guð heiminn og þar á meðal manninn Í SINNI MYND. Karl og konu. Guð var semsagt bæði karl og kona eða ég lít allavega á það þannig. Voðaleg skemmtilegt upphaf fannst mér, alveg merkilegt eins kristinn og ég erJ . En svo kom að LANDAFRÆÐITÍMA strax á eftir kristinfræðinni og sami kennari, hann Lói góðvinur minn í gamla daga (ægi maður má stundum skammast sín samt). Samkvæmt landafræðinni þá var talað um að jörðin hafi orðið til af örverum og þar með allt líf á jörðinni. Þannig að Guð hlítur að vera örvera eða hvað?? Allavega mér fannst þett stinga pínulítið í stúf við það sem var verið að reyna að segja mér í tímanum á undan. Þannig að ég ákvað að spyrja hann Lóa betur um þetta, ekki við mikinn fögnuð samnemandi minna held ég, en skal það tekið fram að ég var EKKI óþolandi ungmenni. Lói var spurður að því hvort Guð sé örvera. Nei Guð er ekki örvera að hans mati. En samt er þetta þveröfugt við það sem hann var að reyna að kenna mér í tímanum á undan hvernig gat hann fengið það út?? En þá kom svarið að Biblían væri bara sálmur en ekki saga eða eitthvað álíka og ég vinsamlega beðin um að hætta að velta mér uppúr þessu. En ég hef greynilega ekki getað það þar sem þessi spurning kemur ennþá upp í hausinn á mér mörgum árum seinna. Viti menn ég hef komist að því að Guð er örvera… Ég ákvað að nú skildi ég finna svarið fyrir fullt og allt og las mér því smá til.

Samkvæmt “hinni helgu bók” biblíunni skapaði Guð manninn úr leir jarðarinnar og því sé maðurinn gerður úr sömu frumefnum og allt annað jörðinni. Leir er ekkert annað en samansafn af fullt af örverum. Örverur eru gerð úr frumefnum eins og við… þannig að rökrétt finnst mér að segja að Guð sé örvera… Fljótlegast hefði bara verið ef hann hefði sagt mér að Guð sé frumefni og málið dautt. En afhverju sagði hann það ekki?? Þá væri ég ekki að velta þessu fyrir mér á gamalsaldri.

Shitt hvað maður er orðinn djúpur!!! En þetta mál er nú frá og ég get farið að hugsa um eitthvað annað. Læt svo fylgja með annað ljóð sem ég fann í tiltektinni um daginn og er samið um manninn sem sæddi beljurnar þ.e. þessar sem bauluðu í fjósinu og skitu en ekki manneskjurnar sem voru kallaðar beljurJ,í sveitinni í gamla daga þegar sögur fóru á kreik að hann væri að fara hætta.

 

Maggi margrabarna faðir

Er nú hættur störfum

En fleiri tuddar eru graðir

Og fá það nú eftir þörfum.

 

Bið að heilsa…..P.S. Ásta mín þú kannski gaukar því að Lóa þegar þú átt fund við hann að ég hafi fundið svarið þ.e. ef hann man eftir mér JJJ

 

Mér finnst leiðinlegt þegar fólk er allt steypt í sama mót. Allir eiga að vera rosa grannir fitt og flott, ég er reyndar ein af þeim fittu og flottu. Sparkz peysur rándýrar eru inn og allir unglingar verða að eiga svoleiðis. Ég man þá tíð þegar allir áttu að vera í JEES gallabuxum í mismunandi litum, með röndum, útvíðum svo komu TARK buxur og böffaló skór og blablablabla. Bara svona til að falla inn í hópinn. Allir að vera eins. Íslenskir fjölmiðlar verða að gera eins og útlendingarnir. Villtu vinna milljón? Apað eftir útlendingum. Idol...apað eftir útlendingum. Og það nýjast núna í vetur BANDIÐ HANS BUBBA!!! apað eftir útlendingum?? Hvernig væri nú að fjölmiðlar tækju sig til og reyndu að finna upp á einhverju nýju... Erum við að fá skemmdann eplaheila eða?? Hugmyndaleysi að tröllríða fjölmiðlum. Í stað þess að fylla upp í daskrárliðina með svona eftirhermuþáttum....hafa þá bara sjónvarpslaus fimmtudagskvöld eins og í gamla daga. Já eða bara taka rafmagnið af á fimmtudögum þannig að fólk þurfi að hafa fyrir því að finna sér eitthvað að gera. Sjálfsagt er þetta bara ég Við höfum jú öll val hvað við gerum og sumir fljóta bara með.

Þetta hafði verði ermalangur....eeerfiðuuur daaagur hjá smávindlunum öööö smáfuuglunum en ekki eins og hjá kaupmanni Sívertsen...

Nóttin mín síðasta var nú frekar skrítinn. Sonurinn vaknaði upp á c.a. klst fresti svo það er ekki nema von að maður sé pínu myglaður. En það lítur út fyrir að fyrsta haustkvefið hjá syninum sé komið. Drengurinn var með sörlandi nef og smá hósta í alla nótt. Í morgun ætlaði ég náttúrlega að vera svakalega góð móðir og mæla drenginn og athuga hvort hann væri með hita. Eitthvað var þetta ekki að gera sig hjá mér í myglheitunum í morgun því ég þurfti að mæla hann 2svar. Já í fyrra skiptið reyndist hann vera með 42 stiga hita....en samt alveg glaðvakandi og í góðu skapi. Dularfullt fannst mér svo ég ákvað að hrista mælirinn niður og byrja aftur. Þá tók drengurinn upp á því í lok mælingar að skíta svona skemmtilega...sem betur fer var þetta búið svo ég ákvað að skella bara nýrri bleyju á áður en eitthvað meira kæmi....en nei ég fékk restina yfir mig....Hvað er meira hressandi í morgunsárið spyr ég bara.

Svo er maður alltaf að taka til og ég fann stöku sem ég hafði látið útúr mér í febrúar '93 þegar ég var á Laugum og læt hana fylgja með.

Þegar ég var að fara í sund

lenti ég í þrasi

var ég rosa létt í lund

enda var ég vel í glasi.

 

 

Nei aldrei finnur maður ekki neitt. Var að leita að bækling sem ég á einhversstaðar með svona forskrift að skrautskriftarstöfum...en ég fann það ekki. Alveg týpiskt en ég fann annað. Minnisblað úr svarta fílófaxinu mínu síðan úr 8. bekk held ég. Alltaf gaman að rekast á eitthvað eldgamalt og svona þér til skemmtunar þá ætla ég að deila með þér ýmsum minnispunktum.

#To all you virgins....Thanks for nothing.

#Það er létt að verða pabbi en erfitt að vera pabbi.

#If you had sex last nigt smile. If not I can arrange so you can smile tomorrow!!!

#Það er aldrei of seint að hefja nýtt og betra líf þess vegna hef ég hugsað mér að bíða með það aðeins lengur.

#Kúnstin að ganga í skóla er að geta sofið sitjandi með opin augun.

#Einu vandamálalausu mennirnir eru í kirkjugarðinum-sex fet undir jörðinni.

#Hvernig fær maður augun á ljósku til að lýsa?? Maður heldur vasaljósi upp að eyranu á henni.

#Ef peningar væru máttur þá væri ég máttlaus.

#Það er ekki létt að vera þung.

#Sá sem er veikur á laugardögum og sunnudögum er veikur í alvörunni.

#Figthing for peace is like fucking for virginity.

#Veistu afhverju þeim sem nota colgate er ekki nauðgað?? Engar holur.

#Allir geta gert mistök sagði broddgölturinn og klifraði niður af stálburstanum.

#Þú skalt ekki elska nágungann eins og sjálfan þit...enginn hefur gott af svo mikilli ást.

#Hrukkur ganga í arf...foreldrarnir fá þær af börnunum.

#Það er betra að hafa skipulag á óreyðunni en óreyðu á skipulaginu.

#Stærsta áhættan sem þú getur tekið í lífinu er að taka ekki neinar áhættur.

#Eitt er öruggt að frá vöggu til grafar er ekkert öruggt.

#Two beer or not two beer....Haft eftir ShakesBEER.

#1+1 geta auðveldlega orðið 3.

Og hana nú sagði hænan og lagðist á bakið..........

 

Einmitt það er ástæða fyrir því að ég spyr. Átti mjög svo gáfulegt samtal við afgreiðslustelpu í bakaríi áðan.

Ég; Góðan dag og allt það " ég ætla að fá svona ostaslaufu" "Nei annars hún er með PAPRIKUMYRJU ég ætla ekki að fá svoleiðis"

Afgreiðslustelpan "ha"

Ég "já hún er með PAPRIKUMYRJU og ég ætla ekki að fá svoleiðis"

Afgreiðslustelpan "nei þetta er bara svona venjuleg ostaslaufa"

Ég "já en það stendur hérna ostaslaufa með PAPRIKUMYRJU"

Afgreiðslustelpan fer og talar við einhverja aðra stelpu og kemur svo til baka og segir "NEI HÚN ER MEÐ SVONA ALVEG EINS OG SKINKUMYRJA NEMA MEÐ PAPRIKU"

Hausinn minn litli sprakk næstum því í andlitið á stelpunni....ostaslaufan var sem sagt ekki með PAPRIKUMYRJU heldur alveg eins og skinkumyrja nema með papriku.... Tek það fram að ég var ekki að biðja hana um að útskýra fyrir mér hvað væri á ostaslaufunni heldur vildi ég ekki fá ostaslaufu vegna þess að hún var með alveg eins og skinkumyrju nema bara með papriku.

Djöf....leið mér eins og ég væri afskaplega heimskur kúnni....